25-26.04.2025 күнүгэр Саха Республикатын күнүн көрсө «Төрөөбүт дойдубун туойабын» диэн ааттаах нэһилиэк түөлбэлэрин икки ардыгар ойуулуур – дьүһүннүүр искусство араас көрүҥнэрин хабан туран быыстапка ыытылынна. Нэһилиэк 5 түөлбэтэ көхтөөх кыттыыны ылла. Сонун, уустук көрүҥнэри ыччат баһылаан эрэрэ киһини үөрдэр. Аэлита Обутова, АГИКИ 3 куурсун студенката, графика курдук уустук көрүҥүнэн оҥорбут үлэлэрин дьон – сэргэ сөҕө көрдө. Саха норуота илдьэ кэлбит көрүҥнэрэ – туос оҥоһуктар, кыбытыктаах тигии, туойтан үлэлэр, быысапка араас көрүҥэ, оҕуруонан тиһии уо.д.а. үлэлэр тардыллыбыттар. Ол курдук, оскуола оҕотуттан саҕалаан уопсайа 64 киһи кытынна.
26.04. Уһулуччулаах судаарыстыбаннай уонна политическай деятель, Киргизия, Казахстан уонна Саха Республикаларын судаарыстыбаннаһын төрүттээбит М.К.Аммосов төрөөбүт төрүт дойдутугар Республика күнүн киэҥ далааһыннаахтык бэлиэтээтилэр.
Сыллата Саха Республикатын Правительствотын салайааччылара, Ил Түмэн депутаттара, Нам улууһун салалтата, нэһилиэктэр баһылыктара, общественность Чаҕылхай Максим мэҥэ тааһыгар сүгүрүйэн, тыыннаах сибэкки дьөрбөтүн уурдулар.
Ол кэннэ М.К.Аммосов аатынан Өрөспүүбүлүкэтээҕи судаарыстыбаннас музейыгар үөрүүлээх мунньахха кытыннылар.
Мунньах кэннэ эдэр ыччат хамсааһынын көҕүлээһининэн оһуохай буолла. Оһуохайы Хатырык кэскиллээх ыччата Сайдам Мухин уонна Нам улууһун Дархан оһуохайдьыта Хатыыс кыыһа Сыдьаайа Лонхо эттилэр.
Эбиэт кэннэ ыччаттар хамаандаларынан арахсан тыыл ветераннарыгар, анал баййыаннай дьайыы кыттыылаахтарын дьонугар, аҕам саастаахтарга субботниктаатылар.
Маны таһынан хамаандалар икки ардыларынан квиз оонньууга күөн көрүстүлэр.
<iframe width="720" height="405" src="https://rutube.ru/play/embed/8014d6d92764cd4d863aaa2427e8a775" frameBorder="0" allow="clipboard-write; autoplay" webkitAllowFullScreen mozallowfullscreen allowFullScreen></iframe>Бу күн Аҕа дойду сэриитин ветерана, 19 – с хайыһар биригээдэтин снайпера, «Хорсунун иһин» мэтээл, “Аҕа дойду сэриитин” орденын 1 степеннээх кавалера, «Үлэ кыһыл знамята» орден кавалера Николай Филиппович Собакин кэриэһигэр буулдьанан ытыыга аһаҕас күрэх буолла. Тэрийээччилэринэн оҕолоро, сиэннэрэ, аймахтара. Уопсайа сааһыттан тутулуга суох 21 күрэхтэһээччи кытынна. Күрэхтэһии үс көрүҥүнэн барда: туран, олорон уонна сытан эрэ ытыы. Кыайыылаахтар сыаналаах бириистэринэн наҕараадаланнылар.
