Ыам ыйын 24 күнүгэр Саха Республикатыгар оһуохай күнүн көрсө Нам улууһун килбэйэр киинигэр “Эҥсиэли эһиэхэйэ дьиэрэйдин” диэн оһуохай түһүлгэтэ ыытылынна.
Нам улууһун культуратын уонна духуобунай сайдыытын управлениета Сыдьаайа Лоҥхоҕо “Нам улууһун культуратын сайдыытын иһин” бэлиэни үөрүүлээх быһыыга-майгыга туттарда.
Маны даҕатан эттэххэ Хатырыкпыт нэһилиэгэр «Оһуохай» түмсүү бары отчуоттуур сурукка-бичиккэ киирбитинэн 2012 сыллаахтан тэриллэн үлэлэрин саҕалаабыттара.
Бу кэмнэргэ нэһилиэкпитигэр ураты хамсааһыннар тахсан үлэлээн барбыттара. Онно биир бастыкынан «Оһуохай» түмсүү сүрүн төһүү буолан нэһилиэнньэ аҕа саастаах араҥатын, ыччатын түмэн барбыта.
Сыдьайа Лоҥхо салайар “Оһуохай” түмсүүтүн кыттыылаахтара бары даҕаны айар талааннаах, ураты дьоҕурдаах, ырыа- уҥкүү доҕуһуоллаах дьон буолалларын биһиги бары хайгыы, сэҥээрэ холобур оҥостобут.
Кинилэр Республиканскайдааҕы, улуустааҕы, нэһилиэкпит иһинээҕи араас тэрээһиннэргэ хаһан да аккаастаммакка мэлдьи кытталларын бары билэбит.
Ити курдук киэҥ төлкөлөөх түһүлгэни тэнитэн, дьон – сэргэ билиниитин, сыанабылын ылан, эт тиҥилэҕин элэтэ сүүрэн үлэ эридьиистээҕин хапсыһан, өбүгэ үөрэҕин өрө тутан дьонугар – сэрэгэтигэр тарҕатааччы, түмээччи киһибит Сыдьаайа Лоҥхо Хатыыс кыыһа салайар “Оһуохай” түмсүүтэ тэриллибитэ номнуо 13 сылын туолла.
Сыдьаайа Лоҥхону итиитик истиҥник эҕэрдэлиибит.