1974 сыл, кулун тутар 1 күнэ
Якутскайдааҕы саха государственнай драматическай театрыгар бастакы оруолум С.Омоллоон «Айаал» трагедиятыгар Кунай оруола. Итини кэрэхсэллээхтик толорон «Кунай — Попов» диэн театр коллективыгар хос ааттаммытым. 1942 сыл саҥатыгар 2№Ньурбатааҕы колхознай театра ыытыллыбытым. Итиннэ үлэлиир кэммэр IV категорияттан I категория артистка тиийэ үүммүтүм уонна ВИК быһаарыытынан артистыыр идэтин быраҕарга күһэллибитим. Театрга ордук табыллыбыт образтарбыттан А.Софронов «Тапталыгар» Күлүк оруола, «Дьадаҥы Дьаакыпка» Уйбаан оҕонньор о.д.а. буолаллар. Театрга үлэлиир сылларым сэрии сылларабуоланнар үгүс эрэйдээх ыарахан усулуобуйаҕа үлэлээбиппит. Ол кэмнэргэ театр репертуара үксүн агитационнай характердаах концертарынан, пьесаларынан доҕуһуолланаллара. Ыйы ыйдаан, сылы сыллаан гастрольга Сунтаар, Нюрба, Үөһээ – Бүлүү оройуоннарынан төттөрү – таары сылдьыталыырбыт.
Транспорт суох буолан кыһынын атынан, оҕуһунан оннооҕор ынаҕынан таһаҕаспытын тиэнэрбит, бэйэбит үксүн сатыы сылдьарбыт.
Намҥа худругунан үлэлиир кэммэр улахан пьесалары туруорарбыт. Үчүгэй коллективтаах этибит. «Күкүр Уус», Заболоцкай «Саҥардыыҥҥыттан», Кулантай «Көмүстээх тайҕаҕа», «Көмүс туорах» курдук пьесаларын туруортаабыппыт. «Көмүс туораҕы» Якутскайдааҕы драмтеатрга үчүгэйдик туруорбуппут иһин Культура министрын приемыгар, спецприкаһынан махталы ылбыппыт.
Хатырыкка клуб заведующайынан үлэлии сылдьан ордук үчүгэйэ билигин санаатахха коллективы сатаан бэйэҕэ түмэ тардыы эбит. Самодеятельностка кыттар оҕолор киһи (салайааччы) тылын хаһан баҕарар аккуратнайдык толоруулара буолар. Оччотооҕуга ордук активнайдык кытталлара: Аргунова М.М., Тимофеева А.Т., Азарова Д., Сивцев К.П., Местников Д.А., Попова Марфа Георгиевна о.д.а. кытталлара.