Олунньу 26 күнүгэр анал байыаннай дьайыыга хорсуннук уонна чиэстээхтик Дойдубутун көмүскээн олохторун толук уурбут буойуннарбыт сырдык ааттарын үйэтитэн Хатырык нэһилиэгин түөлбэлэрин икки ардыгар «Аҕа уонна уол» күрэх ыытылынна.
Тэрээһин ыалдьыттара:
“Хатырык нэһилиэгэ” Тыа сирин түөлбэтин баһылыга Артур Егорович Ноговицын анал байыаннай дьайыы кыттыылааҕа, рядовой сапер. “Хатырык нэһилиэгин бастыҥ ыччата” мэдээл хаһаайына- Подоксенов Сергей Анатольевич, анал байыаннай дьайыы кыттыылааҕа, ефрейтор ,“Хатырык нэһилиэгин бастыҥ ыччата” мэдээл хаһаайына — Ощепков Николай Петрович, анал байыаннай дьайыы кыттыылааҕа Алекс Кимович Гоголев, “Нам улууһа” МР байыаннай дьайыы кыттыылаахтарын уонна дьиэ кэргэнин кытта үлэлиир отделын специалиһа, байыаннай дьайыы бэтэрээнэ Владислав Валентинович Васильев уонна сырдык олох иһин турууласпыт, олохторун толук уурбут буойуттарбыт чугас дьонноро, аймахтара кыттыыны ыллыылар.
Тыҥааһыннаах күрэх түмүгүнэн “Сомоҕо” түөлбэттэн Айсиэн, Айсар Парниковтар Романов Григорий Григорьевич анал бирииһин Ощепков Николай Петрович туттарда, “Ситим” түөлбэттэн Денис, Станислав Федоровтар дьиэ кэргэттэригэр Потапов Евгений Николаевич анал бирииһин ийэтэ Лена Николаевна Потапова туттарда, 3 миэстэни ылыбыт “Чэбдик ыал” түөлбэттэн Ариан, Альберт Татариновтарга Татаринов Айсен Алексеевич анал бирииһин төрөппүттэрэ Любовь Семеновна уонна Алексей Иннокентьевич туттардылар, 2 смиэстэни ылбыт “Сайдыы” түөлбэттэн Михаил, Сайаан Левиннар Бетюнскай Николай Николаевич анал бирииһин Гоголев Алекс Кимович туттарда, 1 миэстэни “Чаанньыктаах Байдам” түөлбэттэн Павел уонна Леонид Тимофеевтар дьиэ кэргэттэрэ Аммосов Никита Егорович анал бирииһин эдьиийэ Аммосова Ольга Егоровна туттарда. Данилов Тимофей Дмитриевич анал бирииһин 20000 уу хаччынан Федоровтар дьиэ кэргэҥҥэ туттардылар. хорсун санаалаах, күүстээх дууһалаах, дойдубут туһугар олохторун толук уурбут дьоммутугар махталбытын уонна ытыктабылбытын биллэрэбит. Кэлэр кэнчээригэ сырдык ааттарын үйэтитэр биһиги тус эппиэтинэспит буоларын бары өйдүөхтээхпит.
