Хатырык нэһилиэгэр сыл устата олохтоох нэһилиэнньэни түмэр сыаллаах «Түөлбэ-2025» бырайыак ыытылла турар. Бырайыак чэрчитинэн культурнай-спортивнай хабааннаах тэрээһиннэр ыытылыннылар уонна «Сыл бастыҥнара» тэрээһиҥҥэ уопсай түмүк тахсыаҕа.
Ол курдук тохсунньу ыйга «Кыайыы туһунан 80 ыйытык» өй оонньуута, олунньу ыйга «Биһиги сэбиэскэйдэ» аҕам саастаах эр дьоҥҥо сыал ытыы, автомат ыһыы-таҥыы күрэҕэ, кулун тутар ыйга «Далбар Хотун» күрэх, муус устар ыйга «Байанай күрэҕэ», ыам ыйыгар ньукуолун уонна сайылык күнүгэр аналлаах «Сайылык күрэҕэ», нэһилиэк ыһыаҕар «Түһүлгэ» киэргэтии күрэҕэ, балаҕан ыйыгар «Комүс күһүн бэлэҕэ» дьаарбаҥка киэргэтиитин күрэҕэ, сэтинньи ыйга «Россия-великая наша держава» норуот сомоҕолоһуутун күнүгэр аналлаах тэрээһин бу күн бэҕэһээ тэрээһиннээхтик ыытылынна.
Бу тэрээһиҥҥэ түөлбэ олохтоохторо оҕотуттан аҕам саастаахтарга тиийэ олус көхтөөхтүк кыттыыны ыллылар. Маннык тэрээһиннэр түөлбэни биир сомоҕолуур, доҕордуу сыһыаны үөскэтэр, дьон талаанын арыйар сүдү суолталаахтар. Бырайыак түмүктүүр тэрээһинэ ахсынньы ыйга саҥа дьылга сыһыаннаах тэрээһин ыытыллара күүтүллэр. Бу бырайыагы сүрүннээн «Сайдам» норуот айымньытын дьиэтэ, спорт зал уонна олохтоох библиотека биир ситимнээхтик үлэлээн иилээн-саҕалаан ыыталлар.
