Ахсынньы 5 күнүгэр «Сайдам» норуот айымньытын дьиэтигэр «Кэрэчээнэ» оҕо сайдар киинэ 65 үбүлүөйдээх дьоро киэһэтин тэрийдэ.
Бу тэрээһиҥҥэ Хатырык нэһилиэгин тыа сирин түөлбэтин баһылыга Ноговицын А.Е, «Нам улууһа» муниципальнай оройуон баһылыгын солбуйааччы Николаев Ф.В, оройуоннааҕы үөрэх управлениятын салайааччытын солбуйааччыта Поротова С.С, үөрэҕэрии профсоюһун бэрэсэдээтэлэ Васильева Н.Е , ветеран үлэһиттэр, төрөппүттэр эҕэрдэ тылларын тиэртилэр.
Ону тэҥэ Күн бытархайдара торжественнай үнкүүнэн арыйан киэҺэни киэргэттилэр.
Кырачаан Аммосовецтар патриотическай ырыаларынан, Чообуо Чооруостар этно-фольклорнай бөлөх, «Кэрэчээнэ» о5о сайдар киинин коллектива истин ырыаларын тиэртилэрКоллектив бары үлэһиттэрэ үрдүк на5араадаларга,махтал суруктарынан бэлиэтэннилэр.
Манна ордук чуолаан эҕэрдэлээн туран бэлиэтиэ этибит Николаева Саргылана Михайловна Саха Өрөспүүбүлүкэтин үөрэҕэрии профсоюһун уурааҕынан «За достойный труд» мэтээлинэн наҕараадаланна.
Торжественнай чаас кэнниттэн Кэрэчээнэ үлэҺиттэрэ бэлэмнээбит мааны астаах остуолларыгар ыҥырыылаах ыалдьыттарын ыҥыран чэйдэттилэр. «Сайдам» НА дьиэтин үлэҺиттэрэ программа бэлэмнээннэр кэлбит ыалдьыттары сэргэхситтилэр. Тэрилтэ салайааччылара, ыҥырыылаах ыалдьыттар, ветеран үлэҺиттэр уонна үлэҺиттэр бэйэлэрин алгыстаах тылларын уонна бэлэхтэрин туттардылар.
«Кэрэчээнэ» оҕо уҺуйаанын коллективын үбүлүөйдээх күннэринэн эҕэрдэлиибит уонна сайдыы суолун тэлэн, элбэх ситиһиилээх үлэ тахса турарыгар уонна кэскиллээх кэнчээри ыччаттар үтүө дьоьун дьон буолан үүнэн тахсалларыгар баҕарабыт.
Барҕа махталбытын тиэрдэбит!
